Stress...stresss..stressss..

Aduuuuuuuuuuuuh!

Soe le, Besok le ulangan matematika. Lama-lama jadi gila kwa ini! Ngoni tahu, pe banyaaaaaaaaaaaaaaaaaaaaaak skali tu pelajaran musti belajar akan. Ada sembilan bab. Kong tu buku pe tebaaaaaaaaaaaal skali, kalo ngoni mo lia, ngoni mo ta kage.

Kalo, ngoni di sini waktu kita ba ketik ini, ngoni tau, tu keyboard somo ta cabu-cabu. Syukur le tape papa nda ta bangun, biasa da tidor siang pake singlet. Kita so pasraaah jo ahh, mungkin sto kit ape skill bukan di mate. Mar, kalo kita nda belajar, ya ampyyuuuuuuuun, kita boleh nda nae kelas. Nda nae kelas?? OMG, gila sto. Lia kamari, iiih nanti dorang susere, “eh, co lia kwa pa tu kacili sana. Dia kasiang pernah nda nae kelas satu kali.” Ooohh tumeeeeeeeeeeeeeeeengg, maloo jo. Abis itu, pak Tuerah datang kong tatawa, “Hahaha…hihih…hohoh..” hih, kage” datang tu samua tape tamang di 8C, “aduuuh, cliff nda nae kelas kang?..”

Kalo itu terjadi, paling kita somo merintih mesakitan kong se goso abu di atas kit ape kapala, rupa soal agama tadi daaank,,,

Eh, sudah neh, kita so nentau mo bilang apa. Kita le somo tidor siang, daaaaaaah….